Weekly Horoscope / Tarot Guidance October 6 to 12, 2025

  Aries (March 21 to April 19): Inaanyayahan ka ng uniberso na magnilay at kumonekta sa mga aral ng buhay — upang maunawaan na may mga pagkakataong hindi ayon sa iyong inaasahan ang takbo ng tadhana. May mga bagay na gaano mo man kagustuhin ay hindi mo makakamtan, ngunit kapalit nito ay mas magagandang biyaya na maaaring higit pang makabuti para sa’yo. Panatilihing malinaw ang isipan upang mapanatili ang talas ng pag-iisip at ang kahinahunan sa pagharap sa mga pagsubok sa kasalukuyan, at sa maingat na pagpaplano ng iyong mga susunod na hakbang.

Taurus (April 20 – May 20): Maging mapanuri sa mga pinakikinggan at pinaniniwalaan. Kung may pagdududa, mas mabuting kumonsulta sa mga taong tunay mong pinagkakatiwalaan at may sapat na kaalaman tungkol sa iyong pinagdaraanan. Isaalang-alang din ang maaaring maging epekto ng iyong mga desisyon ngayon sa kinabukasan. Alisin sa isipan ang paniniwalang wala ka nang magagawa sa sitwasyon—dahil ang buhay ay laging may mga pagpipilian.

Gemini (May 21 – June 21): Magpasya at panindigan mo ito. Alisin sa isipan ang mga “what if” dahil makakagulo lamang ito sa iyong mga kilos at sa tapang mong harapin ang iyong piniling landas. Maaaring hindi ka palakpakan ng lahat sa ngayon — pero hindi iyon ang mahalaga. Ang tunay na mahalaga ay ikaw mismo ang unang maniwala sa sarili mo, hanggang sa may mapatunayan ka. Tandaan: mas madalas na nakatuon ang mga tao sa mga resulta at sa kung ano ang iyong naabot. Gamitin mo ang pagkakataong ito upang mag-manifest at akitin ang mga bagay na tunay mong ninanais.

Cancer (June 21 – July 22): May mga pagkakataong maaaring magkaroon ng hindi pagkakaunawaan sa mga taong itinuturing mong pamilya, ngunit ito’y malalampasan din. Bigyan lamang ng sapat na panahon ang mahinahong pag-uusap at muling pagbubuklod upang mapawi ang anumang tampo. Hangga’t maaari, iwasang sabayan ang init ng ulo ng iba. Kapag nakakaramdam ng matinding emosyon, mainam na ito’y ilabas sa tahimik na paraan at hayaang kumalma ang isip bago humarap o makipag-usap. Malaking tulong ito upang maiwasan ang paglayo ng loob sa mga mahal sa buhay.

Leo (July 23 -August 22): Maaaring maisipan mong palawakin ang anumang aspeto ng iyong buhay. Gayunman, mas mainam na gawin ito nang maingat at kapag lubos kang sigurado sa iyong mga hakbang. Ito ay dahil may posibilidad na magkaroon ng mga hindi pagkakaunawaan o alitan na maaaring magdulot ng pagkaantala sa iyong mga plano. Maaari ring maapektuhan ang iyong pananalapi dahil sa ilang desisyon, kaya’t mahalagang tiyakin na handa ka sa aspetong ito. Kasabay naman nito, inaasahang lalago at lalalim ang iyong ugnayan sa mga taong malalapit sa iyo.

Virgo (August 23 – September 22): Maaaring hindi mo makamit o maisakatuparan ang iyong mga layunin kung hindi mo ito paghahandaan nang mabuti. Ang kakulangan sa kaalaman ay isa sa mga posibleng maging hadlang sa iyong tagumpay. Upang maiwasan ito, mainam na maglaan ng oras para mag-research, mag-aral, at alamin ang lahat ng kinakailangang impormasyon. Sa ganitong paraan, mas tataas ang posibilidad na makamit mo ang iyong mga mithiin. Mahalaga ring suriin ang iyong intensyon — gawin mo ang mga bagay dahil ito ang nagbibigay sa’yo ng kasiyahan, hindi lamang upang mapasaya o mapahanga ang iba.

Libra (September 23 – October 22): Ang pagsang-ayon sa mga mahal mo sa buhay kahit hindi mo naman tunay na nais o intensyon, at ginagawa mo lang upang maiwasan ang mga isyu o pag-uusap, ay hindi palaging solusyon. Mas makabubuti kung magiging bukas ka sa mga komprontasyon o tapat na pag-uusap upang magkaroon ng linaw at pagkakaunawaan ang lahat. Kung patuloy na iiwasan at hindi bibigyan ng sapat na atensyon ang mga ganitong sitwasyon, maaari lamang itong magdulot ng mas malalim na hindi pagkakaunawaan sa pagitan ng bawat panig.

Scorpio (October 23 – November 21): Palayain ang sarili mula sa mga emosyon na pumipigil sa iyong pagkilos at kaligayahan sa araw-araw. Kung patuloy kang magpapadala sa negatibong damdamin, posible nitong maapektuhan hindi lamang ang iyong pananalapi kundi pati na rin ang iyong oras na sana ay nagagamit mo sa pagiging produktibo at sa pag-abot ng iyong mga layunin. Panatilihing pribado ang iyong mga plano at paigtingin ang iyong determinasyon upang makamit ang mga ito. Ituon ang iyong pokus sa sariling pag-unlad upang mas gumaan ang iyong sitwasyon at mas maging maayos ang daloy ng iyong buhay.

Sagittarius (November 22 – December 21): Posibleng makaranas ka ng kalituhan sa pagharap o pagsolusyon sa isang sitwasyon dahil sa pagkaantala ng ilang bagay na iyong inaasahan. Hinihikayat kang magpokus sa pagiging propesyonal sa lahat ng iyong mga transaksyon. Iwasan ang pagbibitaw ng mga salitang hindi mo naman tunay na intensyon, at panatilihin ang pagiging kalmado sa pakikitungo sa iba. Mahalaga ring suriin kung ang mga bagay na pinaglalaanan mo ng oras at enerhiya ay talagang kapaki-pakinabang at nakatutulong sa iyong pag-unlad.

Capricorn (December 22 – January 19): Hinihikayat kang magpokus sa mga solusyon kaysa sa stress na dulot ng mga planong maaaring maantala o mga inaasahang hindi natutupad. Tandaan na palagi kang may pagpipilian kung saan mo gustong ilagay ang iyong sarili. Ituon ang iyong atensyon at enerhiya sa pagkilos, sa halip na manatiling walang ginagawa. Panahon na upang magsimulang kumilos at gawing makabuluhan ang bawat araw na dumarating.

Aquarius (January 20 – February 18): Kahit maraming pagsubok sa buhay at tila hindi umaayon ang lahat sa iyong inaasahan, panatilihin mo pa rin ang pagiging positibo. Suriin ang mga sitwasyon mula sa mas malawak na pananaw at kumilos para sa mga pangmatagalang resulta. Hindi masama ang magsakripisyo ngayon, sapagkat ang mahalaga ay nakapaghahanda ka para sa mas maganda at mas ligtas na kinabukasan. Tandaan din na hindi ka nag-iisa—may mga mahal ka sa buhay na patuloy na sumusuporta, tumutulong, at naniniwala sa iyong kakayahan. Kaya magpakatatag ka at magpatuloy sa pag-abot ng iyong mga pangarap.

Pisces (February 19- March 20): Magpasya kung nais mo talagang ayusin ang isang samahan o hindi, upang magkaroon ka ng mas malinaw na direksyon sa landas na iyong tatahakin. Kapag sobra ang dami ng pagpipilian, mas nagiging mahirap kumilos at mas lalo ka lamang malilito. Yakapin ang mga bagong simula na nasa iyong harapan at pag-aralan kung paano mo ito haharapin nang buo at taos-puso. Simulan mo ring mag-adjust sa mga pagbabagong dumarating, sapagkat bahagi ito ng buhay na kailanman ay hindi maiiwasan.